Qarpız sukatı

Ləvazimatlar:
1 kq qarpız qabığı
1 kq şəkər tozu
3 stəkan su
Hazırlanması:
Su və şəkərdən şirə bişirilir. Formalı kəsilmiş qarpız dilimləri ( qabığı soyulur və qırmızı içi çıxarılır ) 5 – 10 dəqiqə suda bişirilir və kəfkirlə çıxarılıb şirəyə tökülür. 8 – 12 saat şirədə saxlanandan sonra 5 – 10 dəqiqə bişirilir və yenə qırağa qoyulur. Bu 3 dəfə təkrar olunur, qarpız dilimləri şəffaflaşandan sonra onlar kəfkirlə, şirədən aşsüzənə çıxarılır və şirəsi tamam süzüləndən sonra ya torun, ya da ələyin üstündə qurudulur. Bunları quru yerdə saxlamaq lazımdır.